ግላዊነት እና የአጠቃቀም ደንብ

በአጭሩ / In short

• የሱቅዎ መረጃ (ምርት፣ ሽያጭ፣ ደንበኛ፣ ብድር) በስልክዎ ላይ ይቀመጣል። Your shop data stays on your phone.
• የሽያጭ ወይም የደንበኛ መረጃ ወደ ሰርቨራችን በጭራሽ አይላክም — የደመና ባክአፕ ካላደረጉ በስተቀር። Sales and customer data are never sent unless you choose Cloud backup.
• የደመና ባክአፕ ሲያደርጉ መረጃው በስልክዎ ላይ ተመስጥሮ ነው የሚላከው፤ ማመስጠሪያው ኮድ በእርስዎ ጋር ብቻ ነው፣ እኛ ልናነበው አንችልም። The backup is encrypted on your phone; we cannot read it.

🔒 የደመና ባክአፕ እንዴት ይሰራል? / How cloud backup works

1. ባክአፕ ሲያደርጉ መተግበሪያው 16 ፊደል/ቁጥር የመልሶ ማግኛ ኮድ በስልክዎ ላይ ይፈጥራል።
2. ዳታው በዚህ ኮድ (AES-256-GCM) በስልክዎ ላይ ይመሰጠራል — ከዚያ በኋላ ብቻ ይላካል።
3. ሰርቨሩ የሚያየው የተመሰጠረ ባይቶች እና ከኮዱ የተሰራ መፈለጊያ ምልክት (hash) ብቻ ነው፤ ኮዱ ራሱ ወደ ሰርቨር አይላክም።
4. ኮዱ ከጠፋ ማንም ሊመልሰው አይችልም (እኛም)። ለራስዎ ያስቀምጡት።

በ "የሱቅ ክትትል" ሌላ ስልክ ተመሳሳይ ኮድ ካስገባ ሱቁን ለማንበብ ብቻ ያያል፤ ምንም መቀየር አይችልም። ስለዚህ ኮዱን ለሚያምኑት ሰው ብቻ ያጋሩ።

ሰርቨራችን ምን ያውቃል? / What our server stores

• የስልክ መለያ (ID) እና የሙከራ መጀመሪያ ቀን፣ የፈቃድ ሁኔታ እና ማብቂያ ቀን — ፈቃድዎን ለማረጋገጥ።
• ስም እና ስልክ ቁጥር — እርስዎ ፈቃድ ሲገዙ ለእኛ ከሰጡን ብቻ፤ ለክፍያ መዝገብ እና ለድጋፍ።
• የክፍያ መዝገብ — መቼ፣ ምን ያህል፣ በምን መንገድ እንደከፈሉ (ሂሳብ ለማመሳከር)።
• ስም አልባ የአጠቃቀም መረጃ (ካልዘጉት) — የ app ስሪት፣ ቋንቋ፣ የሱቅ ዓይነት እና መጨረሻ የታየበት ቀን። በ "ፈቃድ" ማያ ውስጥ ማጥፋት ይችላሉ።
• ወደ "ድጋፍ" የጻፉት መልዕክት እና የእኛ መልስ።
• የተመሰጠረ ባክአፕ — ካደረጉ ብቻ (ከላይ እንደተገለጸው)።
• አላግባብ መጠቀምን ለመከላከል የ IP አድራሻ ለአጭር ጊዜ ብዛት ለመቁጠር ብቻ ያገለግላል።

የማንሰበስበው / What we do not collect

• የሱቅዎ ሽያጭ፣ ምርት፣ ደንበኞች ወይም ብድር ዝርዝር (ባክአፕ ካላደረጉ)።
• የስልክዎ አድራሻ መዝገብ፣ ፎቶዎች፣ ወይም አካባቢ።
• ማስታወቂያ ወይም የሶስተኛ ወገን መከታተያ የለም።

📷 ካሜራ / Camera

ካሜራ ለባርኮድ ስካን እና ለምርት ፎቶ ብቻ ነው። ምስሎች በስልክዎ ላይ ይቀመጣሉ።

መብቶችዎ / Your rights

• መረጃዎን በመተግበሪያው ውስጥ ማጽዳት፣ ባክአፕ ማድረግ እና መሰረዝ ይችላሉ።
• በሰርቨራችን ያለዎትን መረጃ (ስም፣ ስልክ፣ የደመና ባክአፕ፣ የድጋፍ መልዕክት) እንዲሰረዝ ወይም እንዲላክልዎ ከታች ባለው መገናኛ ይጠይቁ፤ የስልክ መለያ (ID) ይላኩ።

የአጠቃቀም ደንብ / Terms

• መተግበሪያው "እንዳለ" ይቀርባል። የሂሳብ እና የንግድ ውሳኔዎች ሃላፊነት የእርስዎ ነው፤ መረጃዎን በየጊዜው ባክአፕ ያድርጉ።
• ፈቃድ ለአንድ ስልክ ነው። ስልክ ሲቀይሩ ወደ አዲሱ እናስተላልፍልዎታለን።
• መተግበሪያውን መቅዳት፣ ፈቃድ ማጋራት ወይም ማዛባት አይፈቀድም።
• የነጻ ሙከራ እና የነጻ ስሪት ገደቦች (30 ምርት፣ 1 ሱቅ) በ ዋጋ ክፍል ተገልጸዋል።
• ይህን ሰነድ ልንቀይር እንችላለን፤ የተሻሻለበት ቀን ከላይ ይታያል።